അവർ എന്നെ കലാകാരനെന്ന് വിളിക്കുന്നു.
അതെ, ഞാൻ കലാപ്രദർശനത്തിനു
വേണ്ടി പണം ചെലവാക്കുന്നു
എന്നെ പൊള്ളയായ മനുഷ്യനായി നിങ്ങൾ കണ്ടോളു.
ഞാൻ ബാഹ്യസൗന്ദര്യത്തിനു പണം ചെലവാക്കുന്നു.
ആന്തരീക സൗന്ദര്യം എനിക്കാവശ്യമില്ല.
അവർ പറയുന്ന സൗന്ദര്യം എനിക്കറിയില്ല.
എന്റെ കൂടെ ആരും കരയണമെന്നില്ല.
ആടാനും പാടാനും എന്റെകൂടെ വരൂ.
ചിരിക്കാൻ എന്റെ കൂടെ വരൂ.
ഞാൻ അവരെ സന്തോഷിപ്പിക്കുന്നു.
അവർ ചിരിക്കുന്നു. ഞാൻ സന്തോഷിക്കുന്നു.
ചിലർ എന്നെ വേശ്യയെന്ന് വിളിക്കുന്നു.
അങ്ങനെയെങ്കിൽ അത് വലിയ പദവിയാകണം.
മോശം ദിനങ്ങളെ കുറിച്ച് ചിന്തിക്കാനാവില്ല.
പൊള്ളയായ എനിക്ക് ചിന്തിക്കാനാവില്ല.
ഒഴുകാനും കഴിയില്ല.
ശക്തനായ നീ എന്നിലൂടെ ഒഴുകൂ…
No comments:
Post a Comment