കവിയെന്ന കാറ്റാടി യന്ത്രം

എവിടെനിന്നോ തുടങ്ങിയ,

എങ്ങോട്ടോ ഒഴുകുന്ന കാറ്റ്.

കാറ്റാടിയിൽ തഴുകി,

ഒഴുകി കിഴക്കോട്ടും

ഒഴുകി വടക്കോട്ടും

പിന്നെ തെക്കോട്ടും പടിഞ്ഞാട്ടും.

ഒഴുകും നിൻ  ഒഴുക്കിൽ

തിരിപ്പിച്ച യന്ത്രങ്ങൾ

ജനിപ്പിച്ച ഊർജ്ജമീ 

കവിതപോൽ  ഒഴുകുന്നു

നിൻ സിരകളിൽ.

ഭ്രാന്ത്

  നീ സന്തോഷമായി ഇരിക്കണമെന്ന്, 

മാത്രമേ ഞാൻ ചിന്തിച്ചിട്ടുള്ളൂ. 

  നിന്നെ വേദനിപ്പിച്ചവരെ

 

ഞാൻ 

  ശപിച്ചിട്ടുണ്ട്.

 

തെറ്റ് ചെയ്തവരെ ശപിക്കുകയല്ലാതെ, 

 

കൊല്ലാൻ എനിക്ക് കഴിയില്ലല്ലോ. 

 

നീ പറയുന്നത് എനിക്ക് വേണ്ടി, 

 

ചെയ്യുന്ന നിന്റെ  പ്രവർത്തികളിൽ, 

 

വേദന അറിയുന്നില്ലെന്നാണ്. 

 

നീ വേദനിക്കുമ്പോൾ, 

 

ഞാനാണ് വേദനിക്കുന്നത്.

 

അതാണ് നീ അറിയാതെ പോയത്.

 

അല്ലെങ്കിൽ അറിഞ്ഞിട്ടും അറിഞ്ഞില്ലെന്ന് നടിച്ചത്. 

 

വേദന സഹിക്കാനുള്ള നിന്റെ ഭ്രാന്തമായ 

 

കഴിവിനെ ഞാൻ അഭിനന്ദിക്കുന്നു. 

 

ഭ്രാന്ത് ഒരു സുഖമാണ്. 

 

അസുഖമല്ല.   

 

ചില ഭ്രാന്തുകൾ മാത്രം. 

  ചില ഭ്രാന്തുകൾ മാത്രം.

  

ആധുനികമേ പബ്ലിഷ് ചെയ്യൂത്രേ, ഇതാ ഒരെണ്ണം

വയറുള്ള ചാർജർ,

ഇല്ലാത്ത ചാർജർ,

യൂസബി ചാർജർ,

സൂര്യന്റെ ചാർജർ,

നേരിട്ടുള്ള ചാർജർ,

മൂന്നും കൂടിയ ചാർജർ,

രണ്ടും കൂടിയ ചാർജർ,

മതിയായി, ചാർജർ ഇല്ലാതെ,

വയറു കുത്തി പാട്ട് കേട്ടാൽ മതിയേ !!!

വായിച്ചിട്ടുണ്ടോ ?

യേശുവിനെ ക്രിസ്ത്യാനികൾ വായിച്ചിട്ടുണ്ടോ ?

ഗാന്ധിജിയെ കോൺഗ്രസ് വായിച്ചിട്ടുണ്ടോ ?

മാർക്സിനെ കമ്മ്യൂണിസ്റ്റുകാർ വായിച്ചിട്ടുണ്ടോ?

നബിയെ മുസ്‌ലിമുകൾ വായിച്ചിട്ടുണ്ടോ?

ബുദ്ധനെ ആരെങ്കിലും വായിച്ചിട്ടുണ്ടോ?

ഞാനും വായിച്ചിട്ടില്ല.

എബ്രഹാം ലിങ്കനെ ആരെങ്കിലും…

ഇനി വേണ്ട; എന്റെ കവിത കഴിഞ്ഞു.

ഇത് വായിച്ചതിന് നന്ദി.

കേൾവിക്കാർ : "നല്ല അച്ചാർ നല്ല എരിവാണ്, തൊട്ടുകൂട്ടാം"

ഉപദേശികൾ :  "അതൊക്ക ഉപദേശിക്കാൻ വായിക്കുന്നതാണ്. അത് ഞങ്ങളുടെ ജോലിയാണ്."

അന്ധൻ : "ആരെങ്കിലും എന്തെങ്കിലും വായിച്ചതിന്റെ ലക്ഷണം കാണുന്നില്ല. ചിലപ്പോൾ ഞാൻ അന്ധനായതുകൊണ്ടാകാം."

 

ചൊറിയൻ പുഴു

ചൊറിയൻ പുഴുവിൻ, 

ദൗത്യമൊന്ന്;

ചൊറിയുകയെന്നും;

കാലമതെന്നും. 

പന്നിയും ചെളി ചികിത്സയും

പന്നികൾ ഞങ്ങൾ ഒന്നാണ്.

ഞങ്ങൾ ചെളിയിൽ ഒന്നാണ്.

നിങ്ങളെ ചെളിയിൽ വലിച്ചിടും നേരം,

ആനന്ദത്തിൻ ആനന്ദം.

 

ചെളിയിൽ മുങ്ങിക്കുളിക്കും നേരം;

ആരോഗ്യത്തിൻ പുതുശീലം.

ശീലമില്ലെങ്കിൽ ശീലമായാൽ,

ശീലമാകുന്ന പുതുശീലം.

 

ചെളി നിങ്ങൾക്ക് വൃത്തിയാക്കാൻ,

കഴിയില്ലതിൻ കാരണം;

ചെളിക്കുണ്ടിലാണ് നിങ്ങളും നമ്മളും.

 

മുകളിൽ നിന്ന് പമ്പുകൊണ്ടു;

വെള്ളമൊഴിച്ചാൽ വെളുക്കും പന്നി;

കാല് താഴ്ത്തിയാൽ വെളുത്ത പന്നി;

ചുവന്ന പന്നിയായിടും കാലം.

 

ചതുപ്പിൽ കല്ലുകളോരോന്നിട്ട്,

പന്നികളെ കര കയറ്റിയാലും

ചെളി കണ്ടാൽ ഞാൻ ഉരുളും,

അതെൻ പ്രേമമല്ലേ?

ചെളിസുഖവും ഒരു സുഖം തന്നെയല്ലേ?

ഞാനൊരു പന്നി, നീയൊരു പന്നി.

കുളിക്കാനായി ചെളിക്കുണ്ടുകൾ.

ചെളി കുളിയും ചെളി ചികിത്സയും;

പുതു ട്രെൻഡ് തന്നെയാണല്ലോ.

ബൈനോമിയൽ

സ്റ്റാറ്റി-ഗുരു ബൈനോമിയലെന്ന്;

പലവുരു താളത്തിൽ ചൊല്ലി.

അറിഞ്ഞതേയില്ല കമ്പ്യൂട്ടറഡ്രസ്സുകൾ    

വിതറിയത് ബൈനോമിയൽ രാഗത്തിലെന്ന്.

രാജ്യസമ്പദ്  പ്രവചന വീരന്മാരുടെ,

വീരഗാനവും ബൈനോമിയൽ-

രാഗ താളത്തിൽ.

കർമ്മ രംഗങ്ങളിൽ പ്രവർത്തി-

വലുപ്പം അളക്കുന്നത്  ബൈനോമിയൽ സൂത്രവാക്യത്തിൽ. 

പ്രകൃതി വിളയാട്ടങ്ങളെ പ്രവചിക്കുന്നതും

മത്സര പരീക്ഷകളിൽ  സ്ഥാനം ഗണിക്കുന്നതും

രക്ഷവതാര രാജാവ്  ബൈനോമിയൽ.

വെള്ളം (H2O)

രണ്ട്  ഹൈഡ്രജൻ പരമാണു; 

വട്ടത്തിലുള്ളോരോക്സിജനാൽ,

ലയിക്കുമീ താപവേദനയിൽ;

ഒഴുകിയെത്തും  കണ്ണീരുപ്പോൽ,

വെള്ളമെന്നത് സത്യ ശാസ്ത്രം.

രണ്ട്  ഹൈഡ്രജനണുക്കളും,

ഒരോക്സിജൻ പരമാണുവും, വെറുതെയങ്ങി-

രുന്നപ്പോൾ വെള്ളമായതല്ല സഹോ,

കല്ലു മുള്ളു നിറഞ്ഞ വഴി;

താപയാന്ത്രിക ശാസ്ത്രമേ.

വെറുതെയിരിക്കുമീ  ജീവദ്രാവകം.

താപമർദ്ദത്താൽ നീരാവി,
തണുത്ത വിറച്ച ഹിമയുഗത്തിൽ;
കുറയുമീ ചലനോർജ്ജ രസതന്ത്രമാണത്. 
താപയാന്ത്രികാവസ്ഥകളാൽ,

മാന്ത്രികരോ പരമാണുക്കൾ? 

[Note : Dedicated to Aby Jose Sir, Chemistry teacher, Thrissur.]

തീനാളത്തിന്റെ നൃത്തം

നിന്റെ തീക്കളിക്ക് ഒരു കാരണമുണ്ടല്ലോ
തീക്കളി തിരഞ്ഞെടുത്തത് തീയല്ലല്ലോ

ഒരു മഴയ്ക്കും ചിലത് കെടുത്താനാകില്ല
ഒരു തീനാളത്തിനും ചില  മഴയെ തടുക്കാനാകില്ല

ഭൂമിയുടെ അടിത്തട്ടിലെന്നപ്പോൽ
ഗർഭപാത്രത്തിലെ ഭയപ്പെടുത്തുന്ന യുദ്ധമായ്
വാക്കുകൾ ഒഴുകുന്നത് നിൻ കളിതൊട്ടിലിൽ

കാറ്റു വീശുമ്പോൾ, വീശി  കത്തുന്നവൻ
തണുപ്പിൽ  സ്നേഹക്കൂട്  പണിയുന്നു
കാലഭേദങ്ങളിൽ അവൻ നൃത്തം തുടരുന്നു
കാലഭേദവും നീ തന്നെ; കാരണവും നീ തന്നെ

ഞാൻ ഭൂമിയോ വേശ്യയോ ? (2018)

ദേശത്ത് ആദ്യം എത്തിയത് ആരാണ്?

ഇവിടെ ആരുമുണ്ടായിരുന്നില്ല.

ഞാനാണ് ആദ്യം എത്തിയത് .

ദേശത്ത് ആദ്യം എത്തിയത് ആരാണ്?

ഒന്നുമില്ലായിരുന്നു.

കാട്ടിൽ ജീവിക്കാൻ കഴിയാതെ,

അവൻ കഷ്ടപ്പെടുമ്പോൾ ഞാൻ എത്തി.

ശരിക്കും ഞാനാണ് ആദ്യം എത്തിയത്.

എല്ലാം ശരിയാക്കി നേരെയാക്കി;

ഫലത്തിൽ ആദ്യം എത്തിയത് ഞാൻ തന്നെ.

ദേശത്ത് ആദ്യം എത്തിയത് ആരാണ്?

ഒന്നുമില്ലായിരുന്നു.

കാടിനെ നാടാക്കിയത് ഞാനാണ്.

ഇപ്പോഴാണ് കാര്യങ്ങളൊക്കെ നേരെയായത്;

ആദ്യം എത്തിയത് ഞാൻ തന്നെ.

ദേശത്ത് ആദ്യം എത്തിയത് ആരാണ്?

ഒന്നുമില്ലായിരുന്നു.

ഒന്നുമില്ലാതെ മുരടിച്ച നാടിനെ,

നഗരമാക്കിയത് ഞാനാണ്.

വികസിപ്പിച്ചത് ഞാനാണ്.

ആദ്യം എത്തിയത് ഞാൻ തന്നെ.

ദേശ ഭൂമി:- " എല്ലാ മരുന്നുകളും ഞാൻ കഴിച്ചിട്ടുണ്ട്;

പേടിക്കേണ്ട. എന്നാലും ഞാൻ ഇന്നും കന്യകയാണ്, പ്രളയ ജലത്താലൊന്ന് കുളിച്ചു കുറിതൊട്ട് നിൽക്കുന്നുവെന്നേയുള്ളൂ."

നേതാവ്

ഞാൻ തീരുമാനമെടുത്തു;

നിങ്ങൾ അത് ചെയ്യുക; ഒന്നാം നേതാവിന്റെ നിർദ്ദേശം.

നിങ്ങളെ ഞാൻ വിശ്വസിക്കുന്നു.

പറയൂ നമ്മൾ എന്താണ് ചെയ്യേണ്ടത്,

രണ്ടാം നേതാവ് ചോദ്യമെറിഞ്ഞു

ഇരിക്കൂ നമ്മുക്ക് സംസാരിക്കാം.

എല്ലാവരുടെയും കാര്യങ്ങൾ,

നന്നായി പഠിച്ചിട്ട് തീരുമാനിക്കാം.

മൂന്നാം നേതാവ് സ്നേഹത്തോടെ പറഞ്ഞു.

കാര്യങ്ങൾ ശരി തന്നെ.

കാര്യങ്ങൾ ശരിയായി നടക്കണമെങ്കിൽ;

ഈ നിയമങ്ങൾ അനുസരിച്ച് പോകുന്നതാണ് നല്ലത്.

നാലാം നേതാവ് പറഞ്ഞു.

നിങ്ങൾക്ക് എന്താണ് ചെയ്യാൻ കഴിയാത്തത് ?

എന്റെ മുന്നിൽ പ്രതിഭകളുടെ വലിയ

നിര ഞാൻ കാണുന്നു; ചിന്തകൾ

നിങ്ങളെ വലിയ ഉയരങ്ങളിലേക്ക് എത്തിക്കട്ടെ.

(അഞ്ചാമൻ)