പന്നികൾ ഞങ്ങൾ ഒന്നാണ്.
ഞങ്ങൾ ചെളിയിൽ ഒന്നാണ്.
നിങ്ങളെ ചെളിയിൽ വലിച്ചിടും നേരം,
ആനന്ദത്തിൻ ആനന്ദം.
ചെളിയിൽ മുങ്ങിക്കുളിക്കും നേരം;
ആരോഗ്യത്തിൻ പുതുശീലം.
ശീലമില്ലെങ്കിൽ ശീലമായാൽ,
ശീലമാകുന്ന പുതുശീലം.
ചെളി നിങ്ങൾക്ക് വൃത്തിയാക്കാൻ,
കഴിയില്ലതിൻ കാരണം;
ചെളിക്കുണ്ടിലാണ് നിങ്ങളും നമ്മളും.
മുകളിൽ നിന്ന് പമ്പുകൊണ്ടു;
വെള്ളമൊഴിച്ചാൽ വെളുക്കും പന്നി;
കാല് താഴ്ത്തിയാൽ വെളുത്ത പന്നി;
ചുവന്ന പന്നിയായിടും കാലം.
ചതുപ്പിൽ കല്ലുകളോരോന്നിട്ട്,
പന്നികളെ കര കയറ്റിയാലും
ചെളി കണ്ടാൽ ഞാൻ ഉരുളും,
അതെൻ പ്രേമമല്ലേ?
ചെളിസുഖവും ഒരു സുഖം തന്നെയല്ലേ?
ഞാനൊരു പന്നി, നീയൊരു പന്നി.
കുളിക്കാനായി ചെളിക്കുണ്ടുകൾ.
ചെളി കുളിയും ചെളി ചികിത്സയും;
പുതു ട്രെൻഡ് തന്നെയാണല്ലോ.
No comments:
Post a Comment