കവിത - എഞ്ചിനീയർ

[ഒരു എഞ്ചിനീയർ തന്റെ കർമ്മ മണ്ഢലത്തിൽ ചെയ്യുന്ന എല്ലാ കാര്യങ്ങളെയും ഉൾപ്പെടുത്തി ഒരു കവിത. കവിതയുടെ പേര് എഞ്ചിനീയർ. കല്ലിൽ കൊത്തിയെടുക്കുന്ന രൂപം ഉപമിച്ചുകൊണ്ട് എഴുതിയ കവിത.]

കല്പിത രൂപമറിയണം,

കല്ലിന് കല്പിത രൂപം-

വരയ്ക്കണം.

രൂഢരൂപത്തിൽ,

രൂപപ്പെടുത്തണം.

രൂപലാവണ്യം

രൂപീകരിക്കണം.

 

എറിയുന്ന ദൂരമറിയണം.

വേഗമറിയണം.

കല്ലിൻ നീളമറിയണം.

വണ്ണമറിയണം,

വളവുകൾ,

ഒടിവുകൾ,

ചതവുകൾ,

കല്ലിൽ കൊത്തിയെടുക്കണം.

 

കല്പിത രൂപം വരയ്ക്കുവാൻ

അറിയണം.

കല്ലിന് കല്പിത രൂപം

വരയ്ക്കണം.

 

അറിയുവാൻ എറിയുവാൻ

അറിയണം കല്ലിനെ.

എറിയുന്ന കല്ലിന്റെ,

ആവശ്യമറിയണം.

 

എറിയുവാൻ,

അറിയണം,

കല്ലിന്റെ നാമവും

വർണ്ണ വിന്യാസവും.

ശക്തി വിന്യാസവും,

ഉറവിട ചരിത്രവും.

 

കല്ലിനെ പഠിക്കുവാൻ

ഉരയ്ക്കണം

കൊത്തണം

ചെത്തണം

നാമമറിയുവാൻ

രീതിയറിയുവാൻ

മാറ്റ് നോക്കുവാൻ

കല്ലുകൾ

മാറ്റി വെയ്ക്കണം

മാറ്റി നോക്കണം

ഒത്ത് നോക്കണം

കല്ല് കല്ലായി

തിരിച്ചറിഞ്ഞീടണം

 

കല്ലിൽ ഇടിച്ചു നോക്കണം

പൊടിച്ചു നോക്കണം

തൂക്കി നോക്കണം.

അളന്നു നോക്കണം.

 

തൂക്കി നോക്കിയ

കല്ലെടുത്ത്

കല്ലെറിയാൻ,

കല്ലിൻ വിലയറിയണം.

വിലയറിയാൻ,

മൂല്യമറിയണം.

മൂല്യമറിയാൻ,

കല്ലിനെ അറിയണം

 

വിലയിടാൻ

വില നിയ-

ന്ത്രിക്കാൻ,

കല്ലിൻ നാഥനെ

അറിയണം

എറിയുന്ന

ധീരനെ അറിയണം

കൊള്ളുന്ന

മന്നനെ അറിയണം

തള്ളുന്ന മന്നനെ

അറിയണം. 

 

കല്ലുകൾ നിരത്തണം

തരം തിരിക്കണം

ഗുണം തിരിക്കണം

അറിയുവാൻ

എറിയുവാൻ

വരി വരിയായി

ഒതുക്കണം.

എറിയുവാൻ

പുതിയ കല്ലുകൾ

കണ്ടെത്തണം.

പുതുകല്ലുകൾ

മിനുങ്ങുമ്പോൾ

എറിയുവാൻ

പുതുക്കല്ലിൻ

ഗുണമറിയണം 

പഴങ്കല്ലുമായ്

ഒത്തു നോക്കണം.

ബലം കുറഞ്ഞ

കല്ലിൻ

കഥ എഴുതി

മാറ്റി വെയ്ക്കണം.

ചരിത്രമാകണം.  

കഥ കഴിക്കണം.

പുതു കല്ലുകൾ

നിരത്തണം

 

കല്ല് ശേഖരിക്കാൻ

അറ പണിയണം

അറയുടെ

ആകാരമറിയണം

അവശ്യ കല്ലുകൾ

നീക്കി വെയ്ക്കണം

കല്ലിനത്യാവശ്യം

തിരിച്ചറിയണം

അടിയന്തരം

തിരിച്ചറിയണം

മരണമെത്തും മുമ്പേ.

ഈ കല്ലിൻ അറകൾ

ശവകല്ലറയല്ല.

സദാ തുറന്നിരിക്കണം

സദാ നേരമറിയണം

അറിയുവാൻ

എറിയുവാൻ

എവിടെയും ലഭിക്കണം

ഭൂമി തിരിഞ്ഞു കറങ്ങുമ്പോഴും

ഉറങ്ങുമ്പോഴും എറിയണം

കല്ലിന് ദേശമുണ്ടെങ്കിലും

ദേശമില്ല.

സ്വദേശ

വിദേശ

കല്ലുകൾ.

 

കല്ലുകൾ ഒരു തുടർച്ചയാണ്

തുടരേണ്ടതാണ്

സൂക്ഷിക്കണം

ഇന്നേയ്ക്കും

നാളേയ്ക്കും

എന്നേയ്ക്കും.

 

ഭദ്രത ഉറപ്പു

വരുത്തും

കല്ലുകൾ

ഭദ്രമായ്

സൂക്ഷിക്കണം

രക്ഷക്കായ്

സുരക്ഷക്കായ്‌

നിർമ്മിക്കണം

കല്ലുകൾ.

കല്ലിൻ മുനകൾ.

സുരക്ഷാ-

കവചങ്ങൾ.

 

കാലം മാറുമ്പോൾ

കല്ലിൻ മാറ്റമറിയണം

വളർച്ചറിയണം

തളർച്ചയറിയണം

ഉരച്ച കല്ലുകൾ

വീണ്ടുമുരച്ചു നോക്കി

തെറ്റുകൾ തിരുത്തണം

മാറ്റം ഭംഗിയാക്കണം.

തിരുത്താനാവാത്ത കല്ലുകൾ

മാറ്റി പുതുകല്ലുകൾ

ഉരച്ചു നോക്കി

അറയിൽ നിറയ്ക്കണം.

പുതുമാറ്റങ്ങൾ 

രൂപീകരിക്കുവാനെന്നും

രൂപാന്തര തന്ത്രങ്ങൾ

ആന്തരമായൊരു

കൗശലമാകണം.

മുതൽക്കൂട്ടായി

കണ്ടുകൊണ്ട്

കല്ലിനെ പേരിട്ട്,

വിളിക്കണം.

തരം തിരിക്കണം 

സൂക്ഷിക്കണം.

ചെങ്കല്ലുകൾ

പാറക്കല്ലുകൾ

മാർബിളുകൾ

ഗ്രാനൈറ്റുകൾ

ഡയമണ്ടുകൾ

എമറാൾഡുകൾ

റൂബിക്കല്ലുകൾ

എന്നിങ്ങനെ

അറിഞ്ഞു പേരിടണം.

അറയിൽ സൂക്ഷിക്കണം

എറിയാൻ അറിയാൻ

അറയിൽ സൂക്ഷിക്കണം.

അറിയണം

ആരുടെ കല്ലുകൾ

എവിടുത്തെ

കല്ലുകൾ

എപ്പോൾ മുളച്ചവർ 

എങ്ങനെയെന്നറിയണം

എന്തിനെന്നറിയണം 

കല്ലിന്റെ ചരിത്രം

പഠിയ്ക്കണം

കല്ലിന്റെ പല്ലുകൾ

പഠിയ്ക്കണം

ഏറു കൊള്ളുന്ന

മന്നൻ പഠിയ്ക്കണം.

കല്ലിൻ ഗുണഗണങ്ങൾ

പഠിയ്ക്കണം.

കല്ലേറ് കൊള്ളുന്ന

മനിതനും പഠിയ്ക്കണം

കല്ലെറിയാനും

കല്ലിൻ ഗുണമറിയാനും.

 

എറിയുവാൻ

നിരത്തണം

നിരയിൽ

നിര നിരയായി

 

ഒരു കല്ല്

പതുക്കെ എറിയണം

ചിലപ്പോൾ ഒറ്റയ്ക്ക്

എറിയണം.

ഓരോന്നായ് 

എറിയണം

ചില നേരങ്ങളിൽ 

ഒരുമിച്ചെറിയണം  

 

കല്ലിന്റെ കൂടുകൾ

മാറ്റി നോക്കണം

ചൂടിന്റെ കാഠിന്യം

കൂട്ടി നോക്കണം

കൂടിന്റെ ചട്ടകൾ

മാറ്റി നോക്കണം

സമ്മർദ്ദ തന്ത്രങ്ങൾ

പയറ്റി നോക്കണം

കല്ലിന്റെ ശക്തിയളക്കണം

കല്ല് കല്ലായി മാറണം

കല്ലിന്റെ  ശക്തി

മൂല്യമായ്  മാറണം

കല്ലിന്റെ  ശക്തി

മൂല്യമായ്  മാറണം

 

കല്ലിൽ വീഴുന്ന തുളകൾ

അടയ്ക്കുവാൻ

പുല്ലിന് കഴിയില്ലെന്നറിയണം

കല്ലിലെ ചെളി മായ്ക്കണം

പുല്ലുപോലെ

പുല്ലിന്റെ പണി

പുല്ല് ചെയ്യണം

കല്ലിനു കാലം

പണിയായിടും

തേയ്മാനം

കല്ലിന് വിനയായിടും

ചെറു പ്രശ്നങ്ങൾ

നേരിടാൻ

സജ്ജമാക്കാം

എണ്ണയിൽ

കല്ലിനെ മിനുസമാക്കാം

എണ്ണമയത്തിൽ

തെന്നി നീങ്ങാം

കല്ലിന്റെ കാലം

കഴിയും വരെ.

 

അതിരൂക്ഷ പ്രശ്നങ്ങൾ നേരിടുവാൻ;

ചോദ്യങ്ങൾ ഓരോന്ന് ചോദിച്ചിടാം.

എന്തുകൊണ്ട് എന്തുകൊണ്ട് എന്തുകൊണ്ട്.

പിന്നെയും ഓരോന്ന് ചികഞ്ഞിടുവാൻ,

മീനിന്റെ മുള്ളിലും അന്വേഷിക്കാം.

മീൻമുള്ള് കലയായി മാറ്റികൊണ്ട്

പ്രശ്നങ്ങൾ ഓരോന്നും തീർപ്പാക്കിടാം.

 

കല്ലിന്റെ പല്ലിന്

അളവ് വേണം.

അളക്കുവാൻ

അളവിന്റെ

കോല് വേണം.

 

കല്ലിന്റെ ഗുണവേഗ

മൂല്യങ്ങൾ ഓരോന്നും

വർഷത്തിൽ മുറിയാതെ

അളന്നിടേണം.

 

കല്ലുകൾ ഒരു തുടർച്ചയാണ്

തുടരേണ്ടതാണ്

സൂക്ഷിക്കണം

ഇന്നേയ്ക്കും

നാളേയ്ക്കും

എന്നേയ്ക്കും.

അടിക്കുറിപ്പ് : തുടരും  

 

ആരുടെ ഗർഭം?

വടക്കൊരു സുന്ദരി ശർദ്ധിച്ചു.

തെക്കൊരു സുന്ദരി ശർദ്ധിച്ചു.

ദിക്കുകൾ തോറും ശർദ്ധിച്ചു.

ഗർഭത്തിനുത്തരം പറയേണ്ടവർക്കുത്തരം മുട്ടി.

സുന്ദരിയല്ലേ...

തന്തയല്ലെങ്കിലും

സ്വന്തമല്ലെങ്കിലും

ഒരു ഗർഭത്തിനു നൂറു പേർ-

വീതം അച്ഛനായി.

തന്തയില്ലാ ഗർഭം.

ഗർഭം കലക്കി.

ഗർഭം കലങ്ങി.

ആരോ പറഞ്ഞറിഞ്ഞു,

കുളി തെറ്റിയതല്ല,

തീറ്റ തെറ്റിയതാണ്.

പ്രസവം കാത്തിരുന്ന

തന്തമാരുടെ തലയിൽ

വീണ്ടുമവൾ ശർദ്ധിച്ചു.

അപ്സര സുന്ദരി.

ശരിയാണ് തീറ്റ തെറ്റിയതാണ്.

ഒടുവിൽ അവൻ പുലമ്പി: "ആരുടെ ഗർഭവും ഏറ്റെടുക്കാം

എങ്കിലും ചന്ദ്രികേ, ചക്ക ഇങ്ങനെയൊക്കെ തിന്നാമോ?" 

കവിത - ചാക്കോ മാഷ്

 ഫിസിക്സിൽ കെമിസ്ട്രിയുണ്ട്.

കെമിസ്ട്രിയിൽ ഫിസിക്സുണ്ട്.

ബയോളജിയിൽ ഫിസിക്സുണ്ട്.

കെമിസ്ട്രിയുണ്ട്.

കമ്പ്യൂട്ടറിൽ ഇലക്ട്രോണിസ്,

ഇലക്ട്രോണിക്സിൽ  ഫിസിക്സ്,

എല്ലാം കണക്കിന്റെ;

മായാജാല കളികൾ.

എല്ലാം ഒരു കണക്കാണ്...

കണക്കാണ്....ഭ ഭ ഭ.....

കവിതാ മലയാള ഭാഷ ചരിത്രം

ചേഷ്ടകളോരോന്നൊച്ചകളായി

ഒച്ചകളോരോ വാക്കുകളായി.

വാമൊഴിയായി പഴമൊഴിയായി

പഴമൊഴി പൂമഴ പാട്ടുകളായി.

 

വാക്കുകളെല്ലാം ജ്വലിച്ചു തുടങ്ങി.

വായിൽ നിന്നും കർണ്ണപുടത്തിൽ

ജ്വലിച്ചു തുടങ്ങി. ചലിച്ചു തുടങ്ങി.

ഭാരത കഥയും രാമായണവും

ഓതിയ കഥകൾ പാടിയ കഥകൾ.

 

വാക്കുകളോരോ ചിത്ര-കലയിൽ

അരയാൽ മരത്തിലും

മണ്ണിലും കല്ലിലും;

കല്ലുകളായ കല്ലുകളൊക്കെ

കോറി വരച്ചു, കൊത്തിവരച്ചു.

 

അച്ചടിവാക്കുകൾ തുടങ്ങിയ നേരം

മാനവരെല്ലാം കോറി വരച്ചു.

കോറി വരച്ചത്  രേഖയിലാക്കി.

രേഖകളോരോ കഥകളുമായി

കഥകളുമോരോ കവിതകളായി

കവിതകൾ ഓരോ കഥകളുമായി.

കഥകൾപിന്നെ ചെറുകഥയായി

തിരക്കഥയായി ചിത്രകഥയായ്

നോവലുമായി സിനിമയുമായി.

 

കഥകൾക്കെല്ലാം കർത്താവുണ്ട്.

കവിതക്കെല്ലാം കർത്താവുണ്ട്.  

പലവിധ പേരുകൾ

ചൊല്ലി വിളിച്ചു.

പേരുകളായി ആളുകളായി.

 

കവികൾ എന്നൊരു പേരിൻ

കീഴിൽ കവിതകളൊക്കെ

ചലിച്ചു തുടങ്ങി.

 

കവികൾ എന്നൊരു പേരിൻ

കീഴിൽ കവിതകളൊക്കെ

ചലിച്ചു തുടങ്ങി.

 

ചലിച്ചു തുടങ്ങിയ വാക്കുകളൊക്കെ

അതിരില്ലാതെ  കത്തി ജ്വലിച്ചു.

 

ചലിച്ചു തുടങ്ങിയ വാക്കുകളൊക്കെ

അതിരില്ലാതെ  കത്തി ജ്വലിച്ചു.

 

വാമൊഴിയായൊരു വീരന്മാരുടെ

വടക്കൻ പാട്ടും തെക്കൻ പാട്ടും

അയ്യപാട്ടും നാഗപ്പാട്ടും

വേട്ടയ്ക്കൊരു മകൻ, ഭദ്രകാളി.

 

കോലം തുള്ളലും തുമ്പി തുള്ളലും

പാട്ടുകളായി നൃത്തവു-മായി

പാട്ടുകളായി നൃത്തവു-മായി.

 

കാർഷിക വൃത്തിയിൽ

പാട്ടും പാടി കന്നും പൂട്ടി 

ഞാറും നട്ടു.

 

കൊയ്ത്തു  മെതിച്ചും

ഞാറുകൾ നട്ടും

കളകൾ പറിച്ചും

പാട്ടുകൾ പാടി

ആചാരങ്ങൾ ഒന്നൊന്നായി

പലവിധമായി

പലനിറമായി.

 

മന്ത്ര-വാദം ബോധോച്ചാടനം

വർണ്ണപൊടികൾ അഞ്ചും കൂട്ടി

കളങ്ങളുമെഴുതി കോലവുമെഴുതി.

 

ദേശ ഭവതിയെ വാഴ്ത്തിപ്പാടി 

വെളിച്ചപ്പാട് തുള്ളി മറഞ്ഞു.

 

തോറ്റം പാട്ടും പടേനി പാട്ടും

ആചാരങ്ങൾ പലവിധമായി

 

താരാട്ടായി ഉഞ്ഞാലായി

തുയിലുമുണർത്തി

പാട്ടുകളായി

ചേകോൻ മാരുടെ

അങ്കപ്പാട്ടുകൾ

വടക്കൻ പാട്ടിൽ മിന്നി മറഞ്ഞു.

 

തെക്കൻ പാട്ടിൽ മാധുര്യ-മൂറും

വില്ലടിച്ചാനും രൂപവുമായി.

 

കുട്ട-നാട്ടിൽ ആതിപ്പാട്ട്

ചെങ്ങനൂരാതി പാട്ടുകളായി.

 

അരയും തലയും മുറുക്കിയിറങ്ങി

പാലുവം പെണ്ണും പാട്ടുകളായി.

 

കുറുപ്പൻ മാരുടെ പാട്ടുകളെല്ലാം

തച്ചോളി-യുടെ വീര - കഥകൾ.

 

കാതുകളായ കാതുകളൊക്കെ

ഓതിയതൊക്കെ കേട്ടുപഠിച്ചു

വാമൊഴിയായി പൂമൊഴിയായി

മിത്തുകളൊക്കെ വിത്തുകളായി

നൂറ്റാണ്ടുകളിൽ പാടിനടന്നു.

 

സംഘ കവികളും മൊഴി പേർ ദേശവും

സൂചനയായി ചൊൽ പേർ ദേശവും

നന്നൻ എന്നൊരു മന്നൻ കാലം

കേരള തമിഴും കേരള ഭാഷയും

 

വട്ടമെഴുത്തും  കോലമെഴുത്തും

ഗ്രന്ഥ ലിപിയും വിളക്കിയിണക്കി.

ബ്രമി ലിപിയും പല്ലവി ലിപിയും

ആര്യമെഴുത്തും മിനുക്കിയെടുത്തു.

 

പടിപടിയായി അക്ഷരമാല

കരിന്തമിഴായി ദ്രാവിഡ ഭാഷ.

പാട്ടുകൾ പാടി

കവിതകൾ പാടി

ഒന്നൊന്നായി തിളങ്ങീടുന്നു.

 

രാമചരിതവും ലീല തിലകവും

ഭാഷ സംസ്‌കൃത

സംസ്‌കൃതിയായി.

 

ദ്രാവിഡ മാലയിൽ

മുപ്പത്  അക്ഷരം

വട്ടം വട്ടം വട്ടമെഴുത്ത്

വട്ടമിനുക്കി കോലമിനുക്കി

അമ്പത്തൊന്നായ്  

അമ്പത്താറായ്  

മലയാളത്തിൻ

സ്വരമാധുര്യം.

അമ്പത്തൊന്നായ്  

അമ്പത്താറായ്  

മലയാളത്തിൻ

സ്വരമാധുര്യം.

 

 

 

രാജീവ് ആലുങ്കൽ

പേരിന്റെ വാലായി ആലുമുണ്ട്,

ആലിന്റെ വേരിലും കവിതയുണ്ട്,

വേരിന്റെ വേദാന്ത ഗാനമുണ്ട്,

 

ചെമ്പകപ്പൂവിലും കവിതയുണ്ട്.

ചൊല്ലുവാൻ പക്ഷികൾ ഏറെയുണ്ട്,

നാടുചുറ്റി പക്ഷി കാഴ്ചയുണ്ട്.

 

നിശയിലെ മൗനവും ഗാനമാകും,

ചിതലിലെ കഥകളും കവിതയാകും,

ആലിന്റെ വേരിന്റെ ആഴമാണ്.

ബാല്യം കളഞ്ഞു പോയതല്ല,

ആലിന്ന് താഴെ ഇരുന്നതാണ്.

 

ആത്മ തീർത്ഥാടന യാത്രയാണ്,

ബോധിമരകാറ്റ് തലോടിയല്ലോ

 

പേരിന്റെ വാലായി ആലുമുണ്ട്,

ആലിന്റെ വേരിലും കവിതയുണ്ട്,

വേരിന്റെ വേദാന്ത ഗാനമുണ്ട്,

ബോധിമരകാറ്റ് തലോടിയല്ലോ…..

ബോധിമരകാറ്റ് തലോടിയല്ലോ…..

റോബോട്ട് - കവിത

ഇനി എല്ലാം റോബർട്ട് ചെയ്യും.

റോബർട്ട് അല്ല. റോബോട്ട്.

അഹങ്കരിക്കരുത് റോബോട്ട്;

എ.ഐ പിന്നിലുണ്ടെന്ന് മറക്കരുത്.

 

ഓ… നീ, എ. ഐ ആണല്ലേ?

നീയും വല്ലാതെ അഹങ്കരിക്കരുത്...

പിന്നിൽ കമ്പ്യൂട്ടിങ് ചിപ്പുകൾ ഉണ്ടല്ലോ...

ഇലക്ട്രോണിക്‌സാണ്  അടിസ്ഥാനം.

ഇലക്രോണിക്‌സും വല്ലാതെ അഹങ്കരിക്കുന്നു.

 

ഫിസിക്‌സാണ്  എല്ലാത്തിനും അടിസ്ഥാനം.

ഓ…അങ്ങനെ !

കെമിസ്ട്രി ഇല്ലെന്നായിരിക്കും

ആരും അഹങ്കരിക്കേണ്ട...

എല്ലാം കണക്കാണ്.

കണക്കിന് മുകളിൽ പരുന്തും പറക്കില്ല.

ഇതൊക്കെ നിങ്ങൾ പഠിച്ചത് ഭാഷയിലൂടെയല്ലേ?

ഭാഷയാണ് അമ്മ.

 

ഭാഷ പഠിപ്പിച്ചത് അമ്മയാണ്.

അമ്മയെ പഠിപ്പിച്ചത് അമ്മൂമ്മ.

അമ്മൂമ്മയെ പഠിപ്പിച്ചത്...

പറഞ്ഞുവരുമ്പോൾ

ബയോളജിയാണ് അടിസ്ഥാനം.

അതെ ബയോളജിയാണ് എല്ലാം....

 

തുടക്കം ശൂന്യതയിൽ നിന്നാണല്ലോ...

ശൂന്യം എന്നാൽ കണക്കിൽ പൂജ്യം.

അപ്പോൾ കണക്കാണ്.

അല്ല, ദൈവത്തിൽ നിന്നാണ്.

അല്ല, എനർജിയിൽ നിന്നാണ്.

അല്ല, ദൈവത്തിൽ നിന്നാണ്.

അല്ല, എനർജിയിൽ നിന്നാണ്.

ദൈവം എനർജിയാണ്.

പറഞ്ഞുവരുന്നത്,

ഫിസിക്‌സാണ് എല്ലാത്തിനും അടിസ്ഥാനം.

ഇ ഈസ് ഈക്വൽ ടു എംസി സ്കയർ  എന്നാണല്ലോ.

അപ്പോൾ കണക്കല്ലേ അടിസ്ഥാനം.

അല്ല, ഫിസിക്‌സാണ് അടിസ്ഥാനം.

ഫിസിക്സ് ഉണ്ടാക്കിയതാണ് കണക്ക്.

 

കണക്കിൽ നിന്ന് ഫിസിക്സ് ഉണ്ടായിട്ടില്ലേ?

ഉണ്ടാവാം...

കെമിസ്ട്രയിൽ നിന്ന് ഫിസിക്സ് ഉണ്ടായിട്ടില്ലേ?

ഉണ്ടാവാം...

അമ്മയിൽ നിന്നും മകളും

മകളിൽ നിന്നും അമ്മയും ഉണ്ടാകുമല്ലോ.

ഫിസിക്സ് ആദ്യ അമ്മയാണ്.

അമ്മയുടെ അമ്മ ആരാണ്?

ഇനിയും ചോദിക്കരുത്...

അമ്മയുടെ അമ്മ അമീബ...

അമീബയുടെ അമ്മ എനർജി.

എനർജിക്ക് അമ്മയും അച്ഛനുമില്ല.

മിമിക്രി

ശബ്ദം അനുകരിച്ചാണ്

ഭാഷയുണ്ടായത്.

അനുകരിച്ചനുകരിച്ചാണ്

പാട്ടുകൾ ഉണ്ടായത്

ഈ ലോകത്തെ എല്ലാ കലകളും

മിമിക്രിയിലൂടെയാണ് ഉണ്ടായത്

കലകളുടെ അമ്മയാണ് മിമിക്രി

ലോകത്തെ ആദ്യകല മിമിക്രിയാണ്

ഈ ഭൂമിയിലെ എല്ലാ മനുഷ്യരും

മിമിക്രിക്കാരാണ്.

എല്ലാ മനുഷ്യരും നാടകക്കാരാണ്.

നാടകവും ഒരു മിമിക്രിയാണ്

ജനിക്കുമ്പോൾ തുടങ്ങുന്ന

മിമിക്രി, മരണം വരെ തുടരുന്നു.