ആരുടെ ഗർഭം?

വടക്കൊരു സുന്ദരി ശർദ്ധിച്ചു.

തെക്കൊരു സുന്ദരി ശർദ്ധിച്ചു.

ദിക്കുകൾ തോറും ശർദ്ധിച്ചു.

ഗർഭത്തിനുത്തരം പറയേണ്ടവർക്കുത്തരം മുട്ടി.

സുന്ദരിയല്ലേ...

തന്തയല്ലെങ്കിലും

സ്വന്തമല്ലെങ്കിലും

ഒരു ഗർഭത്തിനു നൂറു പേർ-

വീതം അച്ഛനായി.

തന്തയില്ലാ ഗർഭം.

ഗർഭം കലക്കി.

ഗർഭം കലങ്ങി.

ആരോ പറഞ്ഞറിഞ്ഞു,

കുളി തെറ്റിയതല്ല,

തീറ്റ തെറ്റിയതാണ്.

പ്രസവം കാത്തിരുന്ന

തന്തമാരുടെ തലയിൽ

വീണ്ടുമവൾ ശർദ്ധിച്ചു.

അപ്സര സുന്ദരി.

ശരിയാണ് തീറ്റ തെറ്റിയതാണ്.

ഒടുവിൽ അവൻ പുലമ്പി: "ആരുടെ ഗർഭവും ഏറ്റെടുക്കാം

എങ്കിലും ചന്ദ്രികേ, ചക്ക ഇങ്ങനെയൊക്കെ തിന്നാമോ?"