ദൈവത്തിൻ മുന്നിൽ പലതായി
പകയായി പള്ളികൾ കെട്ടി പണിതീടുന്നു.
പലതായി പൂജകൾ നടത്തീടുന്നു.
ചിന്നിച്ചു ഭിന്നിച്ചു പൂജകളോരോന്നും
പലതായി പകയായി ഉയർന്നീടുന്നു.
എങ്കിലും പ്രത്യാശ ഒന്നിക്കുവാൻ.
ഒന്നാണ് നമ്മൾ ഒന്നാണ് നമ്മൾ
ബാറിന് മുന്നിൽ ഒന്നാണ് നമ്മൾ
റമ്മിന് മുന്നിൽ ഒന്നാണ് നമ്മൾ
കിക്കിനും മുന്നിൽ ഒന്നാണ് നമ്മൾ.
ഒന്നിൽ നിർത്തിയാൽ ഒന്നായിടും
മോന്താൽ കൂടിയാൽ രണ്ടായിടും
പിന്നെയും മോന്തിയാൽ അടിയായിടും.
ഒന്നായ പൊതുവിടമൊന്നുമാത്രം
കളിക്കളമാണല്ലോ സ്വർഗ്ഗഭൂമി.
പന്തു കളിയിൽ ഒന്നാണ് നമ്മൾ,
ഹിന്ദു ഗോളെന്ന് ചൊല്ലാതെ നമ്മൾ,
മുസ്ലിം ഗോളെന്ന് ചൊല്ലാതെ നമ്മൾ,
ഒന്നായി നമ്മൾ കയ്യടിച്ചു.
ഒന്നായ പൊതുവിടമൊന്നുമാത്രം
കളിക്കളമാണല്ലോ സ്വർഗ്ഗഭൂമി.
കളിക്കളമാണല്ലോ സ്വർഗ്ഗഭൂമി.
കളിക്കളമാണല്ലോ സ്വർഗ്ഗഭൂമി.
No comments:
Post a Comment