അതിവിദൂര കാഴ്ചയിൽ മനുഷ്യരും മൃഗങ്ങളും;
വിദൂര കാഴ്ചയിൽ കറുമ്പനും വെളുമ്പനും;
ദൂരക്കാഴ്ചയിൽ സ്ത്രീയും പുരുഷനും;
നേർക്കാഴ്ചയിൽ ഹിന്ദുവും മുസ്ലീമും ക്രിസ്ത്യാനിയും;
ഉൾക്കാഴ്ചയിൽ ഒരു പ്രതിബിംബം മാത്രം.
ദീപക്കാഴ്ചയിൽ തിളങ്ങുന്ന മനുഷ്യർ;
പട്ടണ കാഴ്ചയിൽ ബഹുനില മന്ദിരങ്ങൾ.
ഗ്രാമ കാഴ്ചയിൽ ബഹുനില മനുഷ്യർ.
സൂക്ഷ്മ ദർശനിയിൽ അവനും അവളും ശരിയല്ല.
കണ്ണാടി കാഴ്ചയിൽ ഞാൻ ശരി മാത്രം;
കണ്ണാടി മിനുക്കിയാൽ മങ്ങിയ മുഖമോ?
അത് കണ്ണുകൾക്ക് കാഴ്ച നഷ്ടപ്പെട്ടിട്ടോ?
അതോ, കണ്ണാടിക്ക് തിളക്കം നഷ്ടപ്പെട്ടിട്ടോ?
Good way of putting up ....pakshe looks like rythmatically some issues in the beginning.. but i liked the concept very much
ReplyDelete